الشروط والأحكام:
عشان نضل صحاب وما نخربط!

1. مين إحنا؟

إحنا موقع Qool Cool اللي بنوفر منتجات مميزة برسومات وتصاميم شخصية. كل شي هون معمول بحب وشغف عشان يعكس شخصيتكم وذكرياتكم.

2. استخدام الموقع

• الموقع مخصص لإلكم عشان تطلبوا منتجات أو تتصفحوا التصاميم.

• ما بصير تستخدموا الموقع لأي إشي غير قانوني أو يتسبب بضرر.

• ممنوع نسخ أو استخدام أي تصميم أو محتوى من الموقع بدون إذن منا.

3. الطلبات والدفع

• كل طلب بننفذه بشكل شخصي حسب المواصفات اللي بتطلبوها.

• الدفع بيتم وقت الطلب، وما بنبلش التصميم إلا بعد تأكيد الدفع.

• ما بنرجّع فلوس على الطلبات اللي تم تنفيذها لأنها شخصية ومصممة خصيصًا لإلكم.

4. سياسة التعديلات

• إذا طلبتوا تعديل بسيط على التصميم قبل الطباعة، بنعمله بكل سرور. بس إذا كان التعديل كبير أو إضافي، ممكن يكون عليه رسوم إضافية.

5. الشحن والتوصيل

• بنضمن إن منتجاتكم تنشحن بأسرع وقت ممكن. بس لو صار أي تأخير بسبب شركة الشحن، ما بنكون مسؤولين عن هالشي.

• إذا صار ضرر للمنتج أثناء الشحن، احكوا معنا عشان نحل المشكلة.

6. الخصوصية

• بنحترم خصوصيتكم 100%! كل الصور أو المعلومات اللي بتشاركوها معنا بتضل محفوظة وآمنة وما بنشاركها مع أي جهة.

7. إخلاء المسؤولية

• كل المنتجات مصممة يدوياً، فممكن يكون في اختلاف بسيط عن الصور اللي بتشوفوها بالموقع.

• إحنا مش مسؤولين عن أي استخدام خاطئ للمنتجات.

8. تعديلات على الشروط

• بنحتفظ بحقنا نعدل على الشروط والأحكام بأي وقت. لما نعدل، رح نبلغكم أو ننشر الشروط الجديدة على الموقع.